蔡一智「登六」派對 古仔祖兒到賀

草蜢成員蔡一智日前（3日）「登六」，大搞豪華派對與家人、好友大肆慶祝60歲生日，除了好兄弟蘇志威，圈中好友古天樂、張智霖、袁詠儀、容祖兒、蔡卓妍、周勵淇、關智斌、古巨基等人現身，粒粒巨星！
阿智和多位好友在社交網分享派對合照和短片，見眾人盛裝出席，派對特別設計Q版蔡一智60歲生日公仔，有「60 CALVIN HAPPY BIRTHDAY」字樣，現場更有樂隊伴奏，壽星仔與好友開心唱歌，好盡興，但未見開腦手術病癒的胞弟蔡一傑，另一草蜢兄弟蘇志威就有到賀。
阿Sa揭六歲見過蔡一智
眾多好友在社交網分享阿智「登六」派對合照，蔡卓妍還分享與阿智結緣經過，原來她細細個已見過對方，「同阿智嘅緣份，係我六歲嘅時候，嗰陣時我老竇正職係一個設計師，副業就幫一間娛樂公司負責香港歌手海外登台。我第一次見到明星，就係草蜢同彭羚…」她續分享入行後，在Twins出道不久僅得6隻歌就開首個演唱會，邀得前輩歌手撐場，再次跟草蜢碰頭，「我諗住佢哋都唔會記得我啦，點知喺Rehearsal嘅時候，一嚟到見到我媽咪，就即刻同我媽咪打招呼話好耐冇見。嘩！過咁耐佢都仲記得，我媽咪即刻冧咗！得人恩果千年記見過幾次面咋個人真係好好呀！」
此外，阿智也在社交網上載「發哥」周潤發和唐詩詠等一班跑友為他慶生的短片，留言：「多謝發哥和一班跑友為我預備的生日驚喜。」片中發哥操刀自拍大家合唱生日歌，當他想唱粵語版生日歌，其他人竟唱英文版，發哥跟大隊唱完英文版之後，搞笑地要求再唱粵語版。