許冠文送衛詩雅美酒作結婚禮物

英皇電影《破．地獄》上映踏入第11個星期，港澳累積票房數字突破1億5千8百萬港元，日前導演陳茂賢聯同主角許冠文（Michael）、衛詩雅（Michelle）出席謝票場，許冠文更為準新娘衛詩雅送上結婚禮物，她感動表示感覺似多了一個爸爸。
當日Michael語重心長祝願香港人及香港電影同樣向好，「我同好多香港人一樣，一生都希望進步同埋破紀錄，喺呢位天才洋溢嘅導演（陳茂賢）嘅作品，又令到我再感受到一次。不過今次未破得晒，仲有6,000萬港元左右就可以破到香港所有電影嘅紀錄，嗰部係2億2千萬港元票房嘅《End Game》（《復仇者聯盟：終局之戰》），如果大家已經睇咗4次，唔爭在睇夠8次。如果香港可以有一部2億2千萬票房嘅香港電影，就證明香港人可以做晒任何嘢，雖然暫時環境比較惡劣，不過我哋好快就可以破任何困難、任何嘅紀錄。」
私下分享男人秘密
當日Michael更帶來一支酒送給衛詩雅作結婚禮物，他表示因下月跟家人外遊，未能親身出席她的婚禮，因此這天預先為她送上心意，更笑言：「之前我個女出嫁前，我都係同佢開咗支酒分享心事，仲同佢講咗好多男人嘅秘密，不過就唔方便喺呢度講，哈哈！」Michael約定衛詩雅再聚，私底下分享。衛詩雅接過Michael的驚喜禮物，眼泛淚光表示感覺多了一個爸爸，「好感動，我同Michael San個女咁啱都叫Michelle，所以特別有一份親切感。」