衛詩雅最愛到灣仔街市買海鮮

提到香港「明星街市」，不少人會想起九龍城街市，星級熟客包括周潤發與「市民劉先生」劉青雲等。但隨着九龍城將進行舊區重建，逾30年歷史的九龍城街市亦將清拆重建。今集《星級大搜查》便搜查一下，新一代的香港明星街市到底是哪一個。
《星級大搜查》訪問了多位藝人，當中任達華、談善言、張敬軒及鄧麗欣都認為最多明星光顧的街市是九龍城街市，任達華更是九龍城街市常客，他說：「交通方便，入面有好多以前嘅嘢、現代嘅嘢，應有盡有，啲街坊好好！」
除此之外，原來灣仔街市與楊屋道街市也獲最多受訪明星力撐。衛詩雅與倪晨曦都是灣仔街市熟客，衛詩雅表示常到灣仔街市買海鮮：「有一檔我係長期買開嘅！」而倪晨曦就說：「我成日都喺灣仔街市，好易撞到我。買菜，有時買吓雞蛋，或者買姐姐鍾意食嘅雞翼等。」
至於談善言和「小薯茄」的吳冰則是楊屋道街市熟客，談善言表示：「因為嗰度出名多款又平，打邊爐時一定去嗰度買海鮮。」吳冰指，她的所有同事都愛到楊屋道街市光顧，更力推其中一檔：「喺二樓有間賣水魷，我好鍾意食水魷，但發現唔係咁多街市有得賣。」王丹妮則表示最常去旺角街市，她透露：「我會上去一樓買牛肉，手切牛肉好正，用嚟打邊爐，我覺得新鮮，同啲檔主都識咗好幾年，所以佢哋都會切啲靚牛畀我。」
陳煒被讚無架子
《星級大搜查》記者日前到訪楊屋道和灣仔街市，楊屋道其中一間雜貨店員工盧小姐就說，陳山聰與陳煒都曾光顧她：「樣樣都會（買）啲咁，平時佢哋煲湯嘅嘢囉！好nice?！冇架子。」她續指，陳山聰曾是荃灣街坊，未榮升視帝前已是楊屋道街市熟客。
灣仔街市菜檔檔主梁先生指，灣仔街市不時都有明星光顧，他曾見過官恩娜和尹天照。不過菜檔員工陳姑娘表示現時店舖遷入室內後，明星客人反而減少了，以前在灣仔街市外圍，常常見到草蜢與伍詠薇來買餸。大家又有沒有在香港街市遇到明星呢？即刻下載《星島頭條》App留言向《星級大搜查》分享。
?